Muturgølurnar halda fram at skelka Brasil
Flestir brasilskir politikarar hava verið raktir av rullandi muturgølum síðan sosialistisku forsetarnir, fyrst Ignazio Lula (2003-2011), fyrr form í metall-fakfelagnum, fekk 15 ára fongsil fyri mutur, og so partakvinnan Dilma Rouseff fekk misálit, bæði tvey feld við atkvøðum frá teirra egna arbeiðaraflokki.
Miðlarnir siga um politisku støðuna í Brasil, at fáir politikarar eru ódálkaðir av korruptión, ið hevur kostað hesum heimsins 5. størsta landi (eftir Rusland, Kanada, USA og Kina) 8,5 mió km2 og við 210 mió íbúgvum, ótaldar billiónir.
Eftir 25 ár við sosialistiskari leiðslu hevur Brasil nú fingið borgarliga stjórn og ein grótborgarligan forseta, Jair Bolsonaro, eitt slag av Donald Trump.
Hevur Trump verðið hunddálkaður av heimsins miðlum, 90% vinstrahallir, so fer Bolsonaro ikki at fáa mildari viðferð frá somu miðlum. Men hann er nýggjur í politikki og kundi havt ein kjans at rudda upp í tí korrupta hurpalinum í Brasil.
Síðst í stjórnartíðini hjá Lula da Silva máttu tær stóru fyritøkurnar, Petrobras, statsoljufelagið, og byggivirki, senda kuffert við brúktum pengaseðlum til floksskrivstovurnar og fakfeløgini, ið mutraðu sínar politikarar fíggjarliga.
Brasilskir dómstólar hava verið toluliga óheftir, løgreglan og hermegin eisini.
Herfyri varð guvernørurin í Rio de Janeiro varðhaldsfongslaður undir illgruna fyri at hava fingið (halt fast) 45 mió kr í muturi serliga millum 2007 og 2014. Hesin Luiz Fernando Pezao er limur í stóra miðflokkinum, stytt MDB, og varð handtikin saman við 8 øðrum politikarum, eisini undir illgruna fyri mutur.
Tann stóra muturgølan hevur verið eyknevnd “Operatión Bilvask”, tí tað eru ikki hissini pengahæddir, ið hava verðið hvíttaðar ella verið í vaskiautomatini.
Í tíðarskeiðinum, tá Luiz Pezao tók mest ólógligan pening, var hann varaguvernørur. Hansara bossur tá, Sergio Cabral, varð handtikin fyri mutur í fjør.
Tað krevur harðar hálsar, eitt nú Jair Bolsonaro, fv heryvirmann, nú nýggjur høgravendur forseti, til aftur at fáa lóg og landaskil í Brazil. Vinstravongurin hatar hann so inniliga, at ein mótstøðumaður stakk hann undir eini røðu á veljarafundi við knívi í ryggin, men hann yvirlivdi tíbetur.
Um Andøvsløtuni er lív lagað, bera vit onkur tíðindi frá Jair Bolsonaro.
Mest lisið í farnu viku
Samband
Heygsvegur 8
490 Strendur