Leygardagin 13. apríl lata tvørafólk dyrnar upp heima hjá sær sjálvum í sambandi við eitt nýtt tiltak, sum sær dagsins ljós á Tvøroyri.

Suðurljóð er heitið á tiltakinum, har smærri bólkar og einstaklingar fara at hava tónleikaframførslur heima hjá privatfólki ymsastaðni í miðbýnum á Tvøroyri. Tað er skrivað á facebook vangan hjá Tvøroyrar kommunu. 

Umleið 18 stovukonsertir verða hildnar í 9 ymsum stovum frá klokkan 19:00 til klokkan 23:00, og atgongumerki, sum kosta 250,- krónur, verða galdandi til allar konsertirnar.

Í næstum verða nøvnini á bólkum og einstaklingum kunngjørd, og tá verður eisini kunngjørt, hvar atgongumerki kunnu keypast.