Hjálparfólkafelagið og Betri hava kunningarfund
Hjálparfólkafelagið bjóðar øllum hjálparfólkum til fundar í hølunum hjá Starvsmannafelagnum nú týskvøldið 19. mars kl 19. Endamálið við fundinum er at kunna um árið, sum er farið, og gongdina frameftir. Betri verður eisini vid at greiða frá um eftirløn og trygging. Øll hjálparfólk eru vælkomin.
Hjálparfólkafelagið hevur fyri stuttum vunnið sær týðandi rættindi í trætuni um eftirlønina og hevur gjørt avtalu við Fíggjarmálaráðið og Kommunala Arbeiðsgevarafelagið, um at eftirlønin hjá limum í hjálparfólkafelagnum framyvir verður flutt í Betri Pensjón.
Hetta merkir, at Hjálparfólkafelagið nú kann bjóða limum sínum eina betri tryggingaravtalu í Betri Pensjón, enn Pedagogfelagið kann bjóða sínum limum í Tryggingarfelagnum Lív.
Ein fyrimunur við at vera í bólkatryggingini hjá Hjálparfólkafelagnum, í mun til bólkatryggingina hjá Pedagogfelagnum, er, at tímalønt automatiskt eru tryggjað í Hjálparfólkafelagnum.
Ein annar fyrimunur við at hava eftirlønina í Betri er, at um mann samlar allar sínar tryggingar í Betri, so fær man eina peningaupphædd uppá 20% av goldnum tryggingum útgoldna einaferð um árið.
Tey, ið ynskja at spara nakrar krónur, og samstundis stuðla Hjálparfólkafelagnum í arbeiðinum at betra um rættindini hjá hjálparfólkum, kunnu tekna seg sum lim á fundinum.
Fundurin verður týskvøldið 19. mars í hølunum hjá Starvsmannafelagnum.
Drekkamunnur verður.
Mest lisið í farnu viku
Samband
Heygsvegur 8
490 Strendur