Fyrrapartin setti borgarstjórin í Tórshavnar kommunu, Annika Olsen, hakan í til eina av teimum størstu íbúðarverkætlanunum í Føroya søgu.

Talan er um slakar 120 íbúðir, sum skulu byggjast á Fløtum, innan fyri ringvegin í Havn. Fyrstu íbúðirnar verða klárar á heysti í 2020, og tá kunnu tey fyrstu fólkini flyta inn í spildurnýggjar eigaraíbúðir, har nærmastu grannarnir eru Glasir, Skúlin á Fløtum og matvøruhandlar.

Jóan Petur Vang, byggimeistari, stendur fyri verkætlanini, sum Kontrast arkitektar hava teknað.

Størstu íbúðirnar verða 95 fermetrar, og tær smæstu verða 32 fermetrar.

Ætlanin er at byrja arbeiðið at stoypa í mai mánaði.