Næsta vikuskifti, 23. til 24. mars, skipar Fuglakanningarstøðin á Havstovuni fyri teljing av føroyska grágásastovninum. Tað skrivar Havstovan á síni heimasíðu.

Eins og við teljingini sum var 24. til 25. november 2018, er ætlanin, at fáa talt samstundis í so stórum parti av landinum sum gjørligt.

Endamálið við teljingini í november 2018 var at fáa tøl fyri, hvussu stórur partur av ferðandi grágásini steðgar á í Føroyum.

Endamálið við hesi kanning er at fáa meira vitan um, hvussu nógvar gæs koma til Føroya at reiðrast. Seinni verður kannað, hvussu nógvir ungar koma undan.

Tey sum hava áhuga í at verða við í teljingini kunnu venda sær til teldupostadressuna: johannisdanielsen@gmail.com ella ringja til tlf. 254673

Allir teljarar fáa útflýggjað eina stutta vegleiðing, og seinni eina frágreiðing við úrslitunum frá teljingini í 2018 og 2019.