Ringt veður komandi dagarnar
Veðrið frá DMI.
Veðurlagið:
Eitt lágtrýst, 995 hPa, yvir Norskahavinum, flytur seg í ein landnyrðing. Køld luft við ælaveðri streymar inn yvir Føroyar av útsynningi og vestri. Eitt lágtrýst, 990 hPa, vestanfyri Írland, flytur seg í kvøld móti Íslandi, meðan tað dýpist nógv. Ein tilhoyrandi hitabrúgv við regni og vindi nærkast Føroyum.
Veðurvánirnar:
Vindurin veksur eitt skifti til strúk í vindi til skrið av útsynningi, 13 til 20 m/s av útsynningi við hørðum hvirlum. Í kvøld snarar ættin í sunnan, og eitt skifti verður minni vindur. Tað verður skiftandi skýloft við regn- ella vátaslettingsælum. Í fjøllunum kann verða kavaælingur. Hitin fer at liggja millum 2 og 6 stig. Í nátt veksur vindurin sum frá líður til hvassan vind til skrið av suðri, 15 til 20 m/s. Tað verður samdrigið og regn, og hitin hækkar uppí millum 5 og 8 stig.
Veðrið fríggjadagin:
Hvassur vindur til skrið av suðri, 15 til 20 m/s, onkrastaðni uppí 23 m/s við hørðum hvirlum. Seinni snarar ættin í útsynning. Fyrst verður skýggjað við regni, seinni verða sólglottar og ælaveður. Hitin fer at liggja millum 6 og 9 stig. Um kvøldið og náttina verður hvassur vindur til skrið av útsynningi og vestri, 15 til 23 m/s, eitt skifti onkrastaðni stormur, 25 m/s, við hvirlum av ódnarstyrki, 30 til 35 m/s. Tað verður skiftandi skýloft og æl, sum kunnu verða við kava, vátaslettingi ella heglingi. Hitin fer at liggja millum 1 og 4 stig.
Veðrið leygardagin:
Strúkur í vindi til skrið av vestri, 13 til 20 m/s við hørðum hvirlum. Vindurin minkar spakuliga niður í andøvsgul til strúk í vindi, 8 til 13 m/s. Tað verður skiftandi skýloft við ælum, sum kunnu veraða við vátaslettingi ella heglingi. Hitin fer at liggja millum 2 og 5 stig.
Veðrið sunnudagin:
Frískur vindur til hvassan vind av vestri, 10 til 15 m/s, sum seinni snarar í útsynning. Tað verður skiftandi skýloft við ælum, sum kunnu verða við vátaslettingi ella heglingi. Hitin fer at liggja millum 1 og 6 stig.
Veðrið mánadagin:
Vindurin minkar niður í lot til andøvsgul av útnyrðingi, 3 til 8 m/s. Seinni verður gul til frískan vind av útsynningi, 5 til 10 m/s. Tað verður turt fyri tað mesta og løtur við nakað av sól ella sólglottum. Hitin fer alt samdøgrið at liggja millum 3 og 6 stig.
Veðrið týsdagin:
Andøvsgul til strúk í vindi av útsynningi, 8 til 13 m/s, sum snarar í vestan og útnyrðing. Sum frá líður verður skýggjað og eitt skifti fer at regna. Seinni klárnar nakað. Hitin fer at liggja millum 4 og 8 stig.
Mest lisið í farnu viku
Samband
Heygsvegur 8
490 Strendur