Meira til at toski og hýsu
Hagstovan hevur gjørt upp avreiðingarnar fyrstu tveir mánaðirnar í 2019.
Tøl fyri avreiðingarnar tveir teir fyrstu mánaðirnar í ár vísa, at í nøgd vórðu 2,3 prosent minni avreidd av botnfiski í januar og februar í ár, enn somu mánaðir í fjør, men í virði var lítil og eingin broyting.
Nøgdirnar av toski og hýsu eru vaksnar, meðan minni er avreitt av upsa og øðrum botnfiski.
Tilsamans fóru 12.083 tons um avreiðingarskipanina í januar og februar, og virðið svarar hetta til 152.084.000 krónur. Somu tíð í fjørð var nøgdin 11.490 tons, og virðið var 149.207.000 krónur.
Avreiðingarnar av feskfiski eru uppgjørdar í landaðari vekt, tað vil siga, at tað verður ikki lagt upp fyri, at nakað verður avhøvdað, annað kruvt og uppaftur annað bara ísað óviðgjørt.
Mest lisið í farnu viku
Samband
Heygsvegur 8
490 Strendur