Hóast Høgni Hoydal í kæruni hóttir greinaskrivaran, sum er undirritaði og blaðstjóran á Norðlýsinum, sum er 72 ára gamli pápi mín, við tvey ára fongsulsrevsing, so fara vit ikki at bakka ein tumma.

Feðgarnir báðir mugu líka berja eina herviliga krímsjúku av sær, men mánamorgunin er ætlanin at hittast til fundar saman við stjóra og ein av eigarunum á Norðlýsinum, Jóhann Lützen, at umrøða málið. Síðani verður svarskriv latið kærunevndini tann 3. apríl, sum kærunevndin hevur biðið um.

Tit sum lesa Norðlýsið skullu verða kunnaði so hvørt okkurt nýtt er í málinum.

Sí annars mynd við broti úr kæruskrivinum niðanfyri har hótt verður við møguligari stevning fyri lógarbrot, sum gevur upp til tvey ára fongsulsrevsing.