Maldivurnar drukna í skuld til Kina áðrenn tær søkka av CO2
Maldivurnar eru ein stórur oyggjaflokkur í Indiahavi við 400.000 islamskum íbúgvum. Í miðal eru tær bert 50 m yvir sjóvarmálanum. Tey veðurlagsvillu bíða spent, at Maldivurnar søkka í havið, tá ískapparnir á pólunum bráðna.
Stak ófriðarligt val var á hesum oyggjum í heyst, tí farandi stjórn hevði nógv at fjala, og nýggja stjórnin ætlaði sær nakrar gloypibitar av landsins grøði. Flestu fv. leiðararnir itu Mohammad sum eitt navn, og nýggju leiðararnir eita eisini Mohamed, so vit tíma bert at nevna tyngstu dreingir Allahs. (Smbr. Reuters).
Nýggi forsetin, Mohamed Ibrahim Solih, hevði júst sett seg í forsetastólin, tá kinesiski sendiharrin, Zhang Lizhong, gav honum eina rokning úr Beijing fyri $ 3.2 mia (= 20 mia kr = $ 8.000 = 50.000 kr pr íbúgva). Kinesisk byggivirki hava gjørt ymisk byggiarbeiði fyri allar hesar milliardirnar á Maldivunum.
Nýggi forsetin varð í øðini, tí fleiri av hesum miljardunum vóru veðhald, sum Maldiviska stjórnin hevði undirskrivað í sambandi við byggirokningar. Reuters skrivar, at vreiðin á nýggju stjórnarlimunum gav kinverjum ein hvøkk, so teir fóru at rætta rokningarnar og pástóðu, at teir høvdu bert kravt eina helvt av tí upphædd, sum nýggja stjórnin hevði upplýst fyri miðlunum, “bert” $1,5 mia.
Stjórnarfólk siga seg vita, at tann upphædd, ið farna stjórnin, hvørs forseti æt Abdulla Yameen, hevur bundið Maldivurnar at gjalda Beijing, er $ 3,2 mia.
$ 3,2 mia í skuld til Kina er 3/4 av BTÚ-num hjá oyggjunum, ið er $ 3,9 mia. Fíggjarlógin er bert $1,5, altso er skuldin til Beijing hægri enn 2 fíggjarlógir!
Ein verkætlan er ein brúgv millum 2 oyggjar, ið kostaði $ 600 mió (= 3,5 mia kr, altso líka nógv sum 3 Eysturoyartunlar) at bora. Kinesar hava bygt vegir og havnir, og hotell til ferðavinnuna (Maldivurnar heimsins hvítastu strendur).
Maldivurnar eru sostatt í størri og nærri vanda fyri at drukna í skuld til Kina enn at søkka í Indiska havið orsakað av verðurlagsbroytingum. Tí á Maldiv-unum sum í Føroyum hækkar sjóvarmálin bert 1 cm hvørji 10 ár, t.e. 10 cm hvørji 100 ár, hóast klimafasistar so fegin vilja, at pólísarnir bráðnaðu skjótari, so teir kundu fingið meiri studning og granskingarløn fyri at ræða lívið av fólki.
Kommunistastýrið í Beijing lænir til og byggir miðvíst fyri ein hóp av oyggjum og londum í 3-heimi, ið flestu eru um ein háls av botnleysari skuldi til Kina.
Mest lisið í farnu viku
Samband
Heygsvegur 8
490 Strendur