Posta yvirskot sætta árið á rað
Stórar broytingar henda við postútbering í løtuni.
Posta hevði 12 mió. krónur í avlopi í fjør áðrenn rentur og skatt. Umsetningurin var 114 mió. krónur. Avlopið var sostatt góð 10 % av søluni, og tað eru bæði nevnd og stjórn í almenn partafelagnum nøgd við, stendur í einum tíðindaskrivi frá aðalfundinum.
Úrslitið áðrenn skatt var 3,3 mió. krónur. Hetta er sætta árið á rað, at posta hevur avlop í rakstrinum.
Seinastu árini hevur Posta talgilt fleiri av sínum tænastum og fleiri talgildar tænastur eru ávegis.
“Við Sjálvgreiðsluni hava viðskiftafólk lætta atgongd til tænastur, tá tað passar teimum,” stendur í tíðindaskrivinum frá Posta.
“Við appini hjá Posta kunnu viðskiftafólk fylgja sínum sendingum, umframt at til ber at lesa lýsingabløð,” sigur felagið.
Í 2018 kom Posta, sum nakað nýtt, við eini tænastu til Grønlendska marknaðin, sum gevur fólki í Grønlandi møguleika at keypa á netinum og fáa vøruna senda til Grønlands.
Fallið í brøvum var 7% í 2018, og tí hevur Posta umlagt postútberingina í februar í ár. Posta væntar tó at jaliga gongdin við vøkstri í virksemi og umsetningi heldur fram, og roknar eisini við yvirskoti í 2019.
Á aðalfundi í dag varð nevndin afturvald. Í nevndini sita:
Andras Róin, formaður
Reidar Nónfjall, næstformaður
Jóna Olsen, nevndarlimur
Guðrið Højgaard, nevndarlimur
Bjarki Poulsen, starvsfólkaumboð
Jóannis Iversen, starvsfólkaumboð
117 ársverk eru í posta.
Mest lisið í farnu viku
Samband
Heygsvegur 8
490 Strendur