Nýggj ferðslutrygdarætlan kemur í mai
Í gjár var ársfundur hjá Ráðnum fyri Ferðslutrygd.
Í tí sambandi helt Heðin Mortensen, landsstýrismaður, røðu har hann rósti arbeiðið hjá Ráðnum fyri Ferðslutrygd og eisini tosaði um nýggju ferðslutrygdarætlanina, sum arbeiðsbólkur við umboðum frá Akstovuni, Landsverki, Kommunufelagnum, løgregluni, Ráðnum fyri Ferðslutrygd og Samferðslumálaráðnum hava arbeitt við síðani seinnu helvt av februar 2019.
Heðin Mortensen, landsstýrismaður, segði m.a. um nýggju ferðslutrygdarætlanina, at:
‘Leingi hevur verið ætlað at endurskoða gomlu ferðslutrygdarætlanina, og sigast má, at hesum hevur tað verið stórur tørvur á, tí at so nógv er broytt í ferðsluni og samfelagnum sum heild tey seinastu 12 árini.... Arbeiðsbólkurin byrjaði at endurskoða gomlu ferðslutrygdarætlanina í seinnu helvt av februar 2019, og eru tey longu komin á mál. Og sigast má at tað hevur verið væl arbeitt uppá rekord tíð.’
Nýggja ferðslutrygdarætlanin verður eftir ætlan kunngjørd fyrst í mai. Tað skrivar Samferðslumálaráðið í tíðindaskrivið.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur