John William Joensen: ER HETTA FØROYSKT FRÆLISSTRÍÐ ANNO 2019?
Tað var annars ikki gamalt at man setti út politisku kósina uttan at man neyvt var samdur við seg sjálvan hvør knattastøðan var.
ER HETTA FØROYSKT FRÆLISSTRÍÐ ANNO 2019?
Haldi tað er sera spell at umrøðan í miðlunum av týdningarmikla politiska orðaskiftinum á landsfundinum hjá Tjóðveldi og Javnaðinum er fullkomiliga drukna í einum persónsmálið.
Mátti trekkja uppá smílibandi eftir eitt langt innslag um persónstríðið í Tjóðveldi í tíðindasending hjá privatari radiostøð endaði við hesum ískoytinum - “.... annars hevði Javnaðarflokkurin eisini landsfund í vikuskiftinum!
Hava ongantíð skilt hví KVF ikki sendir beinleiðis frá landsfundunum hjá politisku flokkunum eins og DR. Havi ongantíð skilt hví tað er so vandamiki at geva politikarum og vanligu limum í føroysku flokkunum opna mikrofon til tað tey brenna fyri - ein dag um árið. Tá danir tola tað, vænti eg eisini at føroyingar høvdu tolt tað.
Áhugavert var annars at hoyra formannin í Tjóðveldi greiða frá hvussu tætt knítt aðalmál floksins, um loysing frá Danmark, er knítt at fíggjarstøðuni hjá føroyingum. Nú yvirskotið hjá landskassanum er methøgt orsaka av methøgum inntøkum frá tilfeingisgjøldum á fiskivinnuna, sum undanfarna samgonga ásetti, íronnað blokkin, sum undanfarna samgonga hækkaði, og við forskatting av pensjónum, sum undanfarna samgonga setti í verk, hava Føroyar ongantíð verið nærri loysingini, segði harra Høgni Hoydal.
Eg fór at hugsað um ein gamlan tjóðveldismann her í Klaksvík og sum eg kendi ógvuliga væl og hevði stóra virðing fyri. Hann sæt sum fangi umborð á danska kríggjsskipinum, Rolf Krage, undir læknastríðnum. Hann atkvøddi fyri loysing frá Danmark á fólkaatkvøðuni í 1946.
Hvat hevði hann sagt um modernaða frælsisstríðið hjá Høgna Hoydal??
Eg fari sjálvsagt ikki at svara fyri nakran, men eg trúgvi ikki at hann hevði verið fegin um eg hevði sagt við hann, at hann var loysingar maður tí hann átti so nógvar pengar og at hann atkvøddi fyri loysingin tí at hann var so so væl fyri fíggjarliga.
- Vit standa við eitt val, um vit vilja taka tey seinastu tøkini til at stovnseta okkum sum sjálvstøðuga tjóð, fíggja okkara egnu vælferð eftir norðurlendskum leisti og virðum, og byggja eitt samfelag á frælsi, samhaldsfesti og somu rættindi og virðing til øll fólk í landinum, segði formaðurin í Tjóðveldi.
Sambært hesum heldur núverandi leiðslan í Tjóðveldi at tað eru fleiri tøk eftir at taka áðrenn Føroyar kunnu loysa.
Siga vit so at Javnaðarflokkurin er uppaftur fleiri tøk frá loysingini enn Tjóðveldi, hvussu nógv tøk skulu teir baðir flokkarnir so semjast um at taka áðrenn teir kunnu koma inn til loysingina?
Í øllum føri staðfestur hetta at tey sum atkvøddu fyri loysingini í 1946 hava verið longur frá loysingini enn vit eru ídag, tí sambært HH hava vit ONGANTÍÐ verið nærri loysingini enn júst í dag???
Tað var annars ikki gamalt at man setti út politisku kósina uttan at man neyvt var samdur við seg sjálvan hvør knattastøðan var.
Soleiðis skrivar John William Joensen á sínum facebook vanga.
Mest lisið í farnu viku
Samband
Heygsvegur 8
490 Strendur