Sama nøgd av svartkjafti í føroyskum øki í ár sum í fjør
Meginparturin av svartkjaftinum í kanningini í ár eru árgangirnir frá 2013 og 2014.
Magnus Heinason er júst liðugur við kanningar av svartkjafti sunnan fyri Føroyar. Fyribilsúrslitini vísa, at umleið sama nøgd av svartkjafti er í føroyskum øki í ár sum í fjør. Tað skrivar Havstovan á síni heimasíðu.
Meginparturin av svartkjaftinum í kanningini í ár eru árgangirnir frá 2013 og 2014.
“Eisini sást smærri svartkjaftur, hetta er helst 2017-árgangurin,” sigur Havstovan. Nógv hevur verið at sæð til henda árgangin í kanningunum higartil.
Kanningin er skipað sum altjóða felags kanning undir ICES, har Føroyar luttaka saman við Noregi, Írlandi, Hollandi og Spania. Hini skipini hava kannað gýtingarøkini longri suðuri.
Samlaða nøgdin av svartkjafti frá øllum skipunum, verður roknað á fundi í Galway tann 24. til 26. apríl.
Mest lisið í farnu viku
Samband
Heygsvegur 8
490 Strendur