Føroyskar fyritøkur rindaðu tilsamans 817 milliónir krónur í lønum í mars mánaði í ár. Tað skrivar Hagstovan. Tað eru 28 mió. krónur meira enn sama mánað í fjør.

Av teimum 817 milliónunum sum vórðu goldnar út í mars í ár fóru 519 mió. krónur (ella 63,5 prosent) til mannfólk, og 298 mió. krónur (sum svarar til 36.5 prosent) til konufólk.

Í mars í fjør fingu mannfólkini 64 prosent av lønini meðan konufólkini fingu 36 prosent. Munurin er sostatt minkaður við einum prosenti hetta seinasta árið.