Íbúðir, gistingarhús- ella handilsvirksemi við sjóarmálan í Vestmanna
Stóra húsið á myndini skal takast niður skjótast gjørligt og í seinasta lagi, áðrenn hetta árið er av, skrivar Vestmanna kommuna í eini sølulysing í dag.
Vestmanna kommuna hevur sett KOLASTYKKIÐ OG TURKIHÚSIÐ Í VESTMANNA til sølu.
Í lysingini stendur:
Kolastykkið og økið, har Turkihúsið stendur, verða hervið boðin út til íbúðarbygging, gistingarhús-bygging og/ella til handilsvirksemi.
Tey, sum bjóða, skulu greitt lýsa verkætlanina við neyðugum tekningum, tíðarætlan og við lýsing av, hvat ætlanin er at brúka ein komandi bygning á økinum til.
Tilboðið skal innihalda:
• greiða lýsing av verkætlanini við neyðugum
tekningum (vekting 70%)
• greiða tíðarætlan (vekting 20 %)
• kostnaðarmeting (íroknað keyp og
matrikulering av lendi) og fígging (vekting 10%)
Fyritreytir:
• Turkihúsið skal takast niður skjótast gjørligt og í seinasta lagi, áðrenn hetta árið er av. • byrjast skal uppá bygging í seinasta lagi eitt ár eftir, at tikið er av tilboði og sáttmáli gjørdur. • umhvørvið er trivnaðarumhvørvi, og verkætlanirnar skulu taka atlit til hetta.
R7 veit um minst tveir áhugaðar keyparar, sum hava ætlanir at byggja íbúðir á staðnum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur