Norskir og skotskir havgranskarar fara tey komandi árini at leita eftir brugdum framvið norsku og skotsku strondini.

Brugda, sum er heimsins næststørsta fiskaslag, kann blíva uppí 11 metrar long, skrivar norska Havgranskingarstovan.

Endamálið við ætlanini er at kortleggja ferðingarmynstrið hjá brugdu, og at fáa eina mynd av, hvar brugda livir. Í sambandi við granskingina er gjørt eitt elektroniskt skema, sum øll ið síggja brugdu verða biðin um at fylla út.