Teir bíðaðu í hálvtannað ár eftir løn
Tað tók manningin á coastaranum, Henriette, hálvtannað ár at fáa hýruna fyri tveir mánaðir, sum reiðaríið skyldaði teimum sjey sjómonnunum.
- Endiliga og langt um leingi fær manningini á Henriette, sum er farin á heysin, tað, manningin eigur tilgóðar, boðaði ITF-umsjónarmaðurin, Morten Bach, frá í mai mánaða í fjør.
Her hava vit sostatt eitt av mongum dømum uppá manningar, sum reiðaríini bara hava slept uppá fjall.
Umvegis sakførara vórðu goldnir í alt 86.000 amerikanskir dollarar. Peningurin skuldi til teir seks sjómenninar á Filipsoyggjum og til íslendska skiparan, sum allir høvdu bíðað í hálvtannað ár.
Til jólar í 2016 strandaðu ein íslendskur skipari og 6 filipinskir sjómenn í Marstal, har teir 22. desember vóru komnir umborð á norska coastaran, Henriette. Upprunaliga skuldi skipið til umvælingar á einari skipasmiðju, men í somu løtu, sum skipið kom til Marstal, boðaði reiðarin frá, at skipið var farið á heysin. Har stóð manningin uttan hýru, uttan ferðaseðlar heim og uttan mat í eina góða viku.
- Í ITF vórðu vit gjørd varug við støðuna umborð á Henriette, og eg var sjálvur umborð stutt eftir, at vit høvdu frætt um tað fyrst í januar 2017 sigur Morten Bach.
Partvís legði ITF hald á skipið fyri at tryggja tað, manningin hevði tilgóðar og fyri tað, sum hildið varð, at heimferðin fór at kosta manningini.
Kelda: antares.fo/Co-Søfart/Maritime Danmark
Mest lisið í farnu viku
Samband
Heygsvegur 8
490 Strendur