Í samband við syrgiliga eldsbrunan í Notre Dame kirkjuni í París verður teknifilmurin um klokkaran úr Notre Dame vístur í Løkshøll.

Áðrenn filmin fer Jákup Dahl Wardum at innleiða við eini frágreiðing um eldsbrunan og um søguliga bygningin Notre Dame.

Málbólkurin eru børn 6-10 ár, men øll eru vælkomin. Filmurin verður vístur við danskari talu, men tilmelding er neyðug.

Tiltakið, sum er ókeypis, verður í Løkshøll leygardagin kl. 15. Tað eru Bókasavnið við Løkin, Visit Runavík og Visit Eysturoy, sum saman við Løkshøll skipa fyri tiltakinum.