Føroya Óðalsfelag hevur eykaaðalfund
Lóg felagsins skal broytast, soleiðis at heimilað verður at vera partur av smápartafelagnum "Jarðir".
Í kvøld klokkan 18 hevur Føroya Óðalsfelag eykaaðalfund, har lóg felagsins verður viðgjørd. Endamálið er at geva felagnum lógarheimild til at stovna smápartafelagið “Jarðir”, saman við Bóndafelag Føroya.
“Føroya Óðalsfelag og Bóndafelag Føroya samstarva frameftir um, at fáa betri og meiri skipaði viðurskiftir í samband við tí alsamt vaksandi ferðavinnuna, sum eisini sóknast eftir betri fyriskipan við eitt nú gongd í haga v.m.,” sigur Óðalsfelagið í einum tíðindaskrivi.
Nýggja felagið skal hava eina nevnd við umboðum úr báðum feløgunum, og ætlanin er, at felagið skal arbeiða miðvíst við at menna og samskipa ferðavinnutilboð til bæði føroyingar og útlendingar.
Eykaaðalfundurin í kvøld verður á Búnaðarstovuni í Kollafirði.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur