Sandmaðkur í fiski kemur frá kópi
Nú hava DNA kanningar víst, at ormur í kópi er tann sama sum sandmaðkur í Toskalivur. Sandmaðkur ávirkar Tosk, men vit vita ikki hvussu nógv.
Shaozhi Zuo, fer 29 apríl at verja PHD ritgerð sína um sandmaðk. Zuo er úr Kina og starvast á Universitetinum í Keypmannahavn.
Við at gera DNA kanningar, kann ávísast, at sandmaðkur er í kópi. Tá sandmaður leggur, so fer tað út við afførninginum hjá kópi. Síðan etur djóraplankton eggini. Djóraplankton verður síðan etnar av smærri fiski, sum so aftur verður etin av toski.
Tað sum eisini er sera áhugavert er, at eg, fyri umleið 2 árum síðan, tosaði við Hans Jacob Jensen á Skála, sum er ættaður av Hellunum og annars best kendur fyri at koyra oljubil hjá Shell í 28 ár. Tá segði hann mær at sandmaðkur helst kom av kópi. Tað hevði hann altíð hoyrt teir gomlu siga. Teir gomlu søgdu, at har kópur var, var ofta sandmaðkur. Tað má sigast at verða rættuliga áhugavert, at teir gomlu hava lagt hetta til merkis, sum nú er prógva við at gera dna-kanningar.
Vit fara at hyggja nærri eftir hesum tá PHD verjan er liðug um 14 dagar. Tað eru onkrar kanningar av hvussu nógvur sandmaðkur er í toski. Vit fara at vita um vit finna onkra slíka.
Mest lisið í farnu viku
Samband
Heygsvegur 8
490 Strendur