Í ár verða tað serliga útlendskir talarar, sum fara at seta dám á stevnuna, sigur Keldan.

Talarar verða Joel Ramsey úr Avstralia og Carl-Gustaf Severin og Sebastian Stakset úr Svøríki.

Carl-Gustaf Severin er best kendur fyri sítt arbeiði í fyrrverandi Sovjetsamveldinum, har hann í 90’unum ótroyttiliga ferðaðist við gleðiboðskapinum og saman við øðrum gjørdi eitt stórt arbeið at uppbyggja samkomur kring landið.

Joel Ramsey er úr Australia. Í 2017 fluttu hann og konan til Suðurafrika, har tey hava virkað sum trúboðarar, men nú búgva tey aftur í Australia.

“Joel hevur eitt hjarta, ið brennir fyri, at gleðiboðskapurin skal koma út til øll menniskju – til rík og fátæk, til veik og sterk, til kend og gloymd,” sigur Keldan. Tað, sum eyðkennir hansara møtir, er, at har henda nógv undur og tekin.

Sebastian Stakset er best kendur fyri at vera rappari og forsangari í rappbólkinum ”Kartellen”.

Hann var kendur fyri at liva eitt hart lív við rúsevnismisnýtslu og ógvuliga óstøðugum og hørðum lívsstíli. Í 2016 møtti hann Jesusi, og tá broyttist alt. Hann varð fullkomiliga umvendur og legði gamla lívsstílin aftur um seg.

Sebastian hevur síðani brúkt nógva tíð og orku at ferðast um við gleðiboðskapinum um Jesus – serliga til tey, ið eru brotin og hava mist lívsmótið. Hann vitjar m.a. í fongslum og lukkaðum heimum fyri ungdóm, sum meira ella minni eru uppgivin av myndugleikunum, og hann upplivir, at menniskju í hópatali verða frelst og loyst.

Skráin fyri páskastevnuna í Kelduni kann síggjast á heimasíðuni “paskir.fo”