Hann er settur sum landsliðsvenjari
Flogbóltssamband Føroya hevur sett danan Lars Engell sum landsliðsvenjara hjá kvinnum.
Lars er væl kendur frá donskum flogbólti, og hevur millum annað vant fleiri føroyska leikarar, sum hava leikt í donsku kappingini, m.a. Sofíu Splidt Purhús, sum varð vald sum ársins leikari í Danmark fyri nøkrum árum síðani.
Um Lars kann upplýsast:
- hann hevur verið flogbóltsvenjari í yvir 25 ár
- harav nógv ár sum elitu-venjari í Danmark
- arbeitt sum scout / Statistikk (datavolley 4 proffessional)
- er fyrrverandi hjálparvenjari hja Danska A-kvinnulandsliðnum og DU 20 landsliðnum
- og er eisini fyrrverandi skeiðleiðari /undirvísari á divisionsvenjaraskeiðunum.
Lars Engell hevur verið í Føroyum og hugt eftir leikarunum og í sambandi við páskini, kemur hann at hava fleiri venjingar við teimum leikarunum, sum ikki eru við í FM-finalunum. Leikararnir frá FM-finalunum verða tó við í venjingunum 2. páskadag.
Umleið 40 leikarar hava verið til venjing í bruttotruppinum.
Hjálparvenjari verður Kristian Mikkelsen meðan Andreas Zachau verður knýttur at liðnum sum scout / statistikari.
Næsta uppgávan hjá A-landsliðnum verður kapping í Luksemborg har hesi lið verða við:
Bólkur I
Bólkur II
Luksemborg
Skotland
Grønland
Føroyar
Norður Írland
Írland
Mest lisið í farnu viku
Samband
Heygsvegur 8
490 Strendur