Helgi Dam Ziska føroyameistari í talvi
Føroyski stórmeistarin, Helgi Dam Ziska, vann sítt fimta føroyameistaraheitið og vann eisini altjóða kappingina, sum var í sambandi við, at FM-kappingin fyri einstaklingar var avgjørd í gjár.
Helgi Dam Ziska vann fýra talv, meðan trý endaðu við javnleiki.
Olaf Berg var einasti telvarin, ið kundi fáa Helga Dam Ziska aftur í kappingini um føroyameistaraheitið. Talvið teirra millum gjørdist tískil ein finala um FM. Men talvið millum FM-finalistarnar gjørdist ongantíð av álvara spennandi. Helgi telvaði væl og vann sammførandi trygt við svarta fólkinum, skrivar Talvsamband Føroya á heimasíðu síni.
Hetta var fimta FM-heitið hjá Helga Dam Ziska og hansara triðja á rað.
Endaliga støðan í FM-bólkinum:
1. GM Helgi Dam Ziska, HT 2540 5½ stig
2. FM Drazen Dragicevic (Svøríki) 2334 5 stig
3. GM Normunds Miezis (Lettland) 2468 5 stig
4. FM Hans Kristian Simonsen, KT 2147 3½ stig
5. FM Olaf Berg, HT 2212 3½ stig
6. GM Carsten Høi (Danmark) 2354 3 stig
7. FM Carl Eli Samuelsen, HT 2196 2 stig
8. Sjúrður Thorsteinsson, HT 2228 ½ stig
Mest lisið í farnu viku
Samband
Heygsvegur 8
490 Strendur