Smágentur Rósan liggja fremst í Easter Cup
Í løtuni kappast fleiri lið úr Føroyum úr feløgunum Støkk, Ljósinum og Havnar Fimleikafelag, í altjóða estetisku kappingini Easter Cup, sum verður hildin í Greve í dag og í morgin.
Kappingin er ikki liðug enn, men vit kunnu hervið boða frá, at smágentur Rósan úr Støkk hava vunnið innleiðandi umfarið í síni kapping við heili 16,77 stigum. Aftaná Støkk liggur HF Bjalla á 2. plássi við 16,36 og Vela hjá Ljósinum er á 5. plássi við 16,06.
Hetta er stórt met í føroyskum estetiskum fimleiki í eini altjóða kapping. Í kappingini luttóku 15 lið. Finalan verður í morgin kl. 11 føroyska tíð og kann hon stroymast á https://video.dif.dk/eastercup-2019.
Á liðnum eru Karita, Laila, Jenny, Eyðna, Joan, Sára Maria, Sára, Vár, Karin, Teresa, Pállfríð og Lív. Venjarar hjá Rósuni eru Ásleyg Gregersen, Kristina Bjartalíð og Bjørk Nolsøe.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur