Tann 10. maj fer Magni Laksáfoss at verja ph.d.-ritgerð sína við Roskilde Universitet. Ritgerðin eitur: "Færøernes økonomi - En analyse af økonomiens dynamik, historie og kilder til velstand". 

Magni Laksáfoss hevur verið knýttur at Institut for Samfundsvidenskab og Erhverv í sambandi við ph.d.-verkætlanina. Jesper Jespersen, professari á  ISE, RUC, hevur verið høvuðsvegleiðari. Tað skrivar Granskingarráðið á heimasíð síni í dag.

Í metingarnevndini eru:

Bent Greve, ISE, RUC, professari, dr. scient.adm. 
Lise Lyck, CBS, lektari emeritus, cand. polit. 
Hans Andrias Sølvará, Fróðskaparsetrið, dekanur og lektari, ph.d.

Hanne Marlene Dahl, professari, leiðir verjuna.  

Aftaná verjuna, sum verður kl. 13 í Auditoriet, Hus 25.2, verður ein móttøka.

Samandráttur av ritgerðini kann lesast her.