“Hýsan er rættiliga komin fyri seg, meðan tað gongur meira striltið hjá toskinum.” Tað sigur Havstovan, eftir at Magnus Heinason hevur gjørt árligu yvirlitstrolingina um várið á føroyska landgrunninum.

Hesar kanningar verða gjørdar soleiðis, at 100 hál verða gjørd, har roynt verður í ein tíma hvørja ferðina.

“Tað var eitt sindur minni at fáa av toski í ár enn í fjør. Hinvegin var nógv meira at fáa av hýsu og upsa,” sigur Havstovan.

Eisini sigur Havstovan, at tað var óvanliga nógv at fáa av hvítingi og nógv var eisini til av upsa, tungu, reyðsprøku og longu.

Sum nakað óvanligt var nógv at fáa av lýri í onkrum háli.

Veðrið var sjaskut meginpartin av túrinum og ein dag lógu tey bakk.