Heitt verður á fólk, at vísa á broytingar til bussleiðina í Havn
Nú hevur nýggja bussleiðin í Havn verið virkin í tríggjar vikur og tillagingar skulu gerast. Sambandi skal verða betur ímillum summar leiðir og onkrir batar skulu gerast kring skúlar. Tað skrivar Tórshavnar Kommuna.
Heitt verður eisini á fólk, at koma við viðmerkingum til nýggju bussleiðina, nú hon skjótt verður eftirmett. Til ber at senda viðmerkingar til torshavn@torshavn.fo og so verða tær tiknar við í eftirmetingina, sum verður gjørd.
Tað er longu nú greitt, at tillagingar verða gjørdar í nýggju bussleiðini, so tað er nú, borgarar hava høvi at vísa á møguligar batar og tílíkt.
Nýggja ferðaætlanin fyri Bussleiðina í Tórshavnar kommunu kom í gildi 1. apríl. Samstundis hevur Tórshavnar kommuna sett 4 milliónir krónur meira av til bussarnar í kommununi.
Høvuðsendamálið at endurskoða alla Bussleiðina er at fáa eina betri busstænastu, fleiri farleiðir og fleiri brúkarar. Býurin er í støðugari menning, og tí er týdningarmikið, at bussleiðin lagar seg til býarvøksturin og gerst enn betri.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur