Hjólvelting í Havnagøtum
Fríggjadagin 3.mai fara vit aftur at yvirtaka vegin við at fylla hann við súkklum. So kom oman á Vaglið kl. 16.15, so fara vit ein hugnaligan og døllutan súkklutúr kl 16.30. Tað skriva fólkini handan Hjólvelting, sum er sprottin úr Føroya Náttúru- og Umhvørvisfelag, á facebook í hesum døgum.
Súkklutúrurin endar á Mikkeller, har møguleiki verður at fáa eina kalda frá Okkara til hálvan prís. Og, okkurt ábit og saft til børnini verður eisini at fáa.
Hjólvelting er ein súkklutúrur fyri øll og ein rørsla, sum vil gera tað meira vanligt og stuttligt at nýta ymisk ódálkandi akfør. Hjólvelting er fyrst og fremst ein positiv rørsla, sum deilir súkklugleðina við øðrum og hervið er við til at broyta samfelagsvanar til at vera minni biltengdir. Fyri at gera súkklutúrin stuttligari, eru fólk vælkomin at prýða súkklurnar til høvið og eisini nýta ringiklokkurnar, men mest av øllum ynskja vit at njóta ein góðan súkklutúr. Tað skrivar tey í Hjólvelting í innbjóðing á facebook.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur