Havnin verður William Heinesen ikon-býur
Mentamálanevndin í Tórshavnar kommunu hevur saman við ymsum áhugapørtum arbeitt við eini ætlan um at taka lut í einum altjóða ikonbýarsamstarvi á mentamálaøkinum. Havnin skal verða ein William Heinesen-ikonbýur.
Nógvir býir í Evropa eru partar av ikonbýarsamstarvinum, har tey á skipaðan hátt heiðra einum týðandi og heimskendum listafólki, sum hevur serligt tilknýti til býin.
Odense hevur H.C. Andersen. Í Noregi er Skien ikonbýur fyri Ibsen, Vimmerby í Svøríki er fyri Astrid Lindgren, og Salzburg í Eysturríki er fyri Mozart.
“Hetta verður gjørt bæði fyri at styrkja samleikan og stoltleikan hjá býnum sjálvum, men eisini sum liður í mentanarferðavinnuni, har miðlan og nýggj gransking eru týðandi tættir, og har býarrúmið eisini er pallur,” sigur Tórshavnar kommuna.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur