Fleiri spennandi verkætlanir fingu umhvørvisstuðul á Reinsarínum í gjárskvøldið : Veltan á Sandi, Blái Krossur, Gimburlombini, Frítíðarskúlin í Hoyvík og Kollafjarðar skúli vóru millum móttakararnar.

Umhvørvisvirðislønina fingu Guðrun&Guðrun, sum frá byrjan hava lagt dent á burðardygd og umhvørvið. 

Veltan á Sandi fekk Grønu Gávuna frá Etika, sum er 45.000 kr. Tað var Turið Horn, sum vegna býráðið í Havn handaði gávuna.

Katrin Petersen, sum vegna Veltuna móttók gávuna, sigur á facebook, at hon er sera errin at hoyra tey rósa grønmeti og virkisfýsni hjá Veltuni. Hon vísur á, at Veltan eisini er innstillað til eina aðra heiðursløn, norðurlendsku Embla-virðislønina.

Tá Grøna Gávan varð móttikin nýtti Katrin Petersen høvið, at vísa á, at vit í Føroyum nýta minni enn helvtina av innangarðsjørðini til nakað sum helst, og at innlendis framleiðslan av grønmeti enn er so lítil, at hon ikki meir enn sæst í hagtølunum. Hon vísti eisini á, at Veltan ynskir sær tættari samstarv við matstovurnar og fleiri limir, og at Veltan ætlar at bjóða framleiðarum úr øllum Føroyum í samstarv.