Taka mótmælisskrivið í størsta álvara
Sunda kommuna fer at lurta eftir borgarunum í Saksun.
“Í sambandi við skipan av ferðavinnuni í Saksun ynskir kommunan at taka mótmælisskrivið móttikið 6. mai 2019 og tilhoyrisskrivið til mótmælisskrivið móttikið 13.mai 2019 í størsta álvara.
Tí fer kommunan at steðga arbeiðinum fyribils og kemur at kalla borgarar búsitandi í Saksun til fundar um málið.” Tað stendur í eini fundarsamtykt, sum trivnaðarnevndin í Sunda kommunu gjørdi á fundi í gjárkvøldið.
Víðarin stendur í samtyktini:
“Kommunan ynskir framhaldandi í samsvar við samtykta ferðavinnupolitikkin, at skipa ferðavinnuna í Saksunar bygd, men kemur at brúka tíð til at fyrireika raðfestingarnar nærri.”
Sunda kommuna hevur annars gjørt ein ferðavinnupolitikk fyri kommununa, og hann var gjørdur eftir at borgarafundir høvdu verið í bygdunum í kommununi. Tí kom tað óvart á kommunustýrið, at borgarar í Saksun mótmælti ætlanini, tá hon skuldi setast í verk
Mest lisið í farnu viku
Samband
Heygsvegur 8
490 Strendur