USA og Russland eru vorðin samd um, hvussu tey kunnu koma víðari við eini politiskari loysn fyri krígsherjaða Sýria, sigur amerikanski uttanríkismálaráðharrin, Mike Pompeo, eftir ein fund í Russlandi við Vladimir Putin, forseta.

“Vit høvdu eina sera úrtøkumiklan samrøðu um, hvussu vit skulu fara víðari fram viðvíkjandi Sýria, og um hvat vit kunnu gera saman á teimum økjunum, har vit hava felags áhugamál viðvíkjandi politisku mannagongdunum,” segði Pompeo við fjølmiðlar á flogvøllinum, áðrenn hann fór úr Russlandi.