ES Dómstólurin: Flóttafólk kunnu ikki vísast burtur - heldur ikki um tey gera okkurt kriminelt
Genevekonventiónini áleggur øllum stríðandi pørtum at tryggja, at sivilfólk verða vard.
Flóttafólk sum í sínum egna heimlandi eru í vanda fyri at verða atsøkt, kunnu ikki verða víst burtur úr ES, heldur ikki um tey fremja álvarsom brotsverk. Tað hevur ES Dómstólurin staðfest í einum máli, sum Kekkia og Belgia hava reist, skriva Kekkiskir miðlar.
Sambært ES Dómstólinum hevur rætturin til friðskjól og verju onga ávirkan á rættindini í Genevekonventiónini, sum áleggur øllum stríðandi pørtum at tryggja, at sivilfólk verða vard.
“Sjálvt flóttafólk sum eru dømd fyri álvarslig brotsverk kunnu ikki missa uppihaldsrættin,” sigur ES Dómstólurin.
Framdu álvarsom brotsverk
Kekkia reisti eitt mál í ES Dómstólinum um ein mann úr Tjetjenia, sum í 2006 fekk friðskjól í Kekkia. Seinni varð maðurin dømdur í nýggju ára fongsul fyri rán, og kravt varð, at hann bleiv vístur av landinum.
Belgia reisti somuleiðis eitt mál um ein persón úr Kongo, sum framdi álvarsom brotsverk.
Men sambært ES Dómstólinum kunnu persónar sum fremja brotsverk ikki vísast av landinum, um vandi er fyri, at teir verða píndir og forfylgdir í heimlandinum.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur