Borgarstjórin á Eiði stuðlar Tordur Niclasen í Miðflokkinum
Standa vit saman, endar Tordur heilt víst millum tríggjar teir fremstu á Miðflokkalistanum og so hava vit okkara tinglim og ávirkan í økinum. Við vón um at fólkið í økinum stendur saman um eitt valevni.
Vit hava tørv á umboði fyri okkara økið.
Fyri tíð síðani boðaði eg frá at eg ikki fór at velja politiskt í ár. Eg segði at eg fór at stuðla tí sum eg metti hevði størsta møguleika at koma á ting í kommununi.
Vit hava tørv á at fáa eitt umboð í løgtingið at tala okkara sak.
Nú hevur Tordur J. Niclasen valt at stilla upp og eg meti avgjørt at hann kundi verðið ein fongur fyri okkum í økinum at fingið á ting.
Men hevur Tordur í veruleikanum nakran møguleika at koma á ting? Um vit standa saman, so er eingin ivi um at Tordur kemur á ting.
Alt bendir á at smáu flokkarnir kunnu fáa ein lyklaleiklut í samgongusamráðingunum og helst vera teir at síggja í einum samgongumeiriluta.
Miðflokkurin fær sambært veljarakanningunum tveir tinglimir og um teir koma í samgongu fáa teir ein landstýrissess, tað vil siga at nummar 1, 2 og 3 á listanum koma annaðhvørt í landsstýrið ella í løgtingið.
Standa vit saman, endar Tordur heilt víst millum tríggjar teir fremstu á Miðflokkalistanum og so hava vit okkara tinglim og ávirkan í økinum.
Við vón um at fólkið í økinum stendur saman um eitt valevni.
Jógvan í Skorini.
greinin stendur á facebook vanganum hjá Jógvan í Skorini.
Mest lisið í farnu viku
Samband
Heygsvegur 8
490 Strendur