Línubáturinn Skørin av Toftum kom á Ólafsvík í Íslandi í gjár. Skørin hevði motorbrek.

Vit høvdu samband við skiparan á Skørini, Hera Henriksen í morgun. hann sigur, at teir fóru úr Føroyum tann 15.mai, tað tók teimum út við try døgn í allar besta veðri at koma á fiskileið.

Vit fiskaður 27000 pund í tveir dagar, men so fingu vit trupuleikar við motorinum. Vit vóru noyddir at fara inn í Ólavsvík at fáa tað gjørt, sigur Heri. 

Vit hava ikki lov at landa í Íslandi og tí eru vit ikki ofta inni, men tá motortrupuleiki er, so var tað neyðugt.

Vit eru 14 mans við Skørini, vit koma úr øllum landinum, sigur Heri. Skørin hevur heimstað á Toftum, tað er pf Regn sum eigur skipið. 

Skørin fór av Ólavsvík klokkan 18.00 í gjárkvøldið.

Tað er Pétur Steinar Jóhannsson, sum er sannur Føroyavinur, sum hevur "klikt" myndirnar. Pétur Steinar var umborð og vitjaði manningina í gjár. Pétur handaði manningini nøkur eintøk av Sjómannablaðnum áðrenn Skørin fór aftur á fiskileið.