Veðurlagið:

Eitt lágtrýst, 1009 hPa eystanfyri Hetland flytur seg eitt sindur vestureftir, meðan tað dýpist. Tilhoyrandi brúgvaløg við regni leggja tætt við Føroyar. Eitt annað lágtrýst vestanfyri Bergen flytur seg komandi dagarnar spakuliga í ein útnyrðing, og fríggjadagin fer tað at liggja í ein landnyrðing úr Føroyum. Tað fer at geva okkum vaksandi vind a høgt og tað kølnar nakað. Onkrar løtur fer eisini at regna.

Veðurvánirnar:

Vindurin veksur spakuliga til andøvsgul til frískan vind av norðri. Tað verður samdrigið og tám. Í nátt fer at regna av og á. Hitin fer at liggja millum 6 og 9 stig.

Veðrið hósdagin:

Gul til frískan vind av útnyrðingi, 5 til 10 m/s. Fyrst verður skýggjar við regni, men móti kvøldi klárnar nakað. Hitin fer alt samdøgrið at liggja millum 3 og 8 stig.

Veðrið fríggjadagin:

Gul til frískan vind av útnyrðingi, 5 til 10 m/s, sum minkar niður í lot til andøvsgul, 3 til 8 m/s. Tað verður nakað av sól, men eisini møguleiki fyri einstøkum ælum. Hitin fer alt samdøgrið at liggja millum 3 og 8 stig.

Veðrið leygardagin:

Lot til andøvsgul av útnyrðingi, 2 til 8 m/s. Tað verður turt fyri tað mesta við nakað av sól ella sólglottum, seinni fer kanska at regna eitt sindur. Hitin fer alt samdøgrið at liggja millum 3 og 8 stig.

Veðrið sunnudagin:

Lot til andøvsgul av útnyrðingi, 2 til 8 m/s. Tað verður turt fyri tað mesta við sól ella sólglottum. Hitin fer alt samdøgrið at liggja millum 3 og 8 stig.

Veðrið mánadagin:

Til til gul av ymsum ættum 2 til 8 m/s. Móti náttini veksur vindurin til frískan vind til hvassan vind av landnyrðingi, 10 til 15 m/s. Tað verður turt fyri tað mesta við nakað av sól ella sólglottum, men um náttina verður skýggjað og regn. Hitin fer alt samdøgrið at liggja um 5 stig.