Vestmanna kommuna fekk einki ítøkiligt tilboð um bygging á Kolastykkinum
Vestmanna kommuna bjóðaði her fyri út Kolastykkið og økið, har gamla trukihúsið stendur, til bygging av íbúðum, gistingarhúsi og/ella handilsvirksemi. Pauli Trond Petersen, borgarstjóri, sigur, at einki tilboð kom inn, men at fleiri hava víst áhuga, og tí verður freistin longd.
“Kolastykkið og økið, har Turkihúsið stendur, verða hervið boðin út til íbúðarbygging, gistingarhús-bygging og/ella til handilsvirksemi. Tey, sum bjóða, skulu greitt lýsa verkætlanina við neyðugum tekningum, tíðarætlan og við lýsing av, hvat ætlanin er at brúka ein komandi bygning á økinum til.” Tað stóð í eini lýsing frá Vestmanna kommunu tann 8. apríl. Freistin at lata tilboð inn var sett til 15. mai.
Men einki tilboð var komið inn tá freistin gekk út. Pauli Trond Petersen, borgarstjóri, sigur, at fleiri hava víst áhuga, og tí verður freistin longd.
“Tað er trupult at fáa nakran at gera arbeiðið, tí handverkaravinnan hevur ríkiligt at gera,” sigur Pauli Trond Petersen.
Í lýsingini frá Vestmanna kommunu stóð, at Turkihúsið skuldi takast niður skjótast gjørligt og í seinasta lagi, áðrenn hetta árið var av, og at byrjast skuldi uppá bygging í seinasta lagi eitt ár eftir, at tikið var av tilboði og sáttmáli var gjørdur.
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur