Hesa vikuna er umhvørvisvika í Vága kommunu. Yvirskriftin til umhvørvisvikuna er "Matur og mat spilla", sum kemur undir heimsmál nr. 2, 12, 14 og 15 hja Sameindu Tjóðum.

Umhvørvisvikan byrjaði í gjár og heldur fram vikuna út. Niðriundir sæst skráin fyri restina av vikuni: 

Hósdagin 23. mai:
Kl. 09.00-15.00: Børn úr barnagørðunum rudda í nærumhvørvinum og úti í náttúruni sum part av teirra gongutúrum.
Kl. 10.00-10.30: Hádeldin á Giljanesi skipar fyri veðurlags streyku í trappuni á Giljanesi
Kl. 15.00-19.00: Rudda í grannalagnum. Ruskposar kunnu heintast á kommunuskrivstovuni. Arbeiðsfólk hjá kommununi koyra runt og taka ruskposar o.a.
Kl. 19.00-20.00: Elsa Sandberg Nielsen fer at greiða frá verkætlanini Matbitin. Hetta eru matkassar við lættum og heilsugóðum uppskriftum til døgurðamat. Elsa fer at bjóða heilsugóðar smooties, og tit verða biðin um at hava glas við sjálvi.
Kl. 20.00-21.30: Filmsvísing á Skúlanum á Giljanesi - Just Eat It: A Food Waste Story.

Fríggjadagin 24. mai:
Kl. 09.00-15.00: Børn úr barnagørðunum rudda í nærumhvørvinum og úti í náttúruni sum part av teirra gongutúrum.

Leygardagin 25. mai:
Kl. 09.30-10.30: Felags morgunmatur á miðstaðarøkinum í Miðvági, ung í Musikkskúlanum framføra.
Kl. 10.00-10.30: FK Gang og Renn við Frælsi. Havið posa við og ruddi fram við vegnum.
Kl. 10.30-12.00: Kommunan letur plantupakkar. Veljast kann ímillum tveir ymiskar pakkar, har annar er ætlaður teimum ið eru byrjað at gera sær urtagarð og ein til tey sum ynskja at fríðka um í urtagarðinum við at leggja okkurt nýtt afturat.
Kl. 13: 00: Kunning um samvelting; møguleiki fyri at seta seg á lista til nýtslu av kassum – at gera sær ein kálgarð í Kálgarðinum á Sondum. Niðurbrenda grundin á Sondum í Sandavági verður umskapa til ein kálgarð, har áhuga kunnu tekna seg til 2-4 kassar at planta urtir og grønmeti í.
Kl. 15.00: Vit fara at grilla á Sondum í Sandavági. Hans Ravnsfjall kemur at syngja og spæla.

Sunnudagin 26. mai:
kl. 16:00: Í sambandi við at fyrrverandi Vágaprestur David Johannesen gjørdist 70ár tann 19. mai, verður skipað fyri kvøldsetu við sangi og upplestri úr skaldskapinum hjá David Johannesen. Tónaskøld úr Vágum hava gjørt løg til sálmar og sangir, sum verða framførdir á kvøldsetuni. Vágakórið syngur undir leiðslu av Katrin á Borg Johannesen, Knút Olsen hevur gjørt lag til ein av sálmunum. Umframt Knút Olsen, hava Holgar Jacobsen, Valdemar á Løgmansbø og Jón Eirik Joensen, sum eisini er organistur í Miðvágs kirkju, gjørt løg og framføra á kvøldsetuni. Eftir løtuna í kirkjuni, verður boðið til ein drekkamunn í kirkjukjallaranum.