Eftir 18 ár sum samkomuleiðari í Lívdini fer Jógvan Zachariassen niður í hálva tíð til august/september 2020. Í hesum tíðarskeiðinum skal hann røkja eitt hálvtíðarstarv hjá Billy Graham Evangelistic Association (BGEA) og fer at arbeiða í Onglandi hesa tíðina. Tað merkir, at hann verður burtur í 14 dagar hvønn mánað komandi 12-14 mánaðirnar.

Jógvan Zachariasen fór í hesum sambandi úr samkomuleiðsluni tann 16. mai, og frá 1. september 2019 fer hann í hálvtíðarstarv í eitt ár.

“Uppgávan hjá Jógvani í Lívdini hetta komandi árið verður mest sum talari og undirvísari og ikki sum samkomuleiðari og elsti,” sigur Lívdin á síni heimasíðu.

Ætlanin er, at Jógvan kemur aftur í samkomuleiðsluna og fulltíðarstarv sum samkomuleiðari í august/september 2020, tá ið samkoman er á gáttini at flyta inn í nýggja bygningin.