Jarðfeingi marknaðarførur føroyska oljuleiting í Texas, USA
Seinastu dagarnar hava jarðfrøðingar av Jarðfeingi verið í San Antonio í Texas í USA á árligu AAPG-oljuráðstevnuni Annual Convention and Exhibition. Sum vant hevði Jarðfeingi ein bás, har lýst varð við komandi 5. útbjóðingarumfari. Serligur dentur varð lagdur á tær nýggju treytirnar, sum Løgtingið samtykti fyrr í hesum mánaðinum. Harafturat var kastað ljós á, at 5. útbjóðingarumfarið verður hildið samstundis, sum bretar hava sítt 32. umfar. Tað skrivar Jarðfeingi á heimasíðu síni.
Umframt at hava bás á ráðstevnuni hevði Jarðfeingi eisini eina framløgu á International Pavilion Theatre, har jarðfrøðingurin, Óluva Eidesgaard, greiddi áhugaðum áhoyrarum um nýggja loyvisumfarið og seinastu broytingarnar í treytunum.
Ráðstevnan hevði umleið 7.000 vitjandi og endaði í gjár.
Sambært heimasíðuni hjá Jarðfeingi, so letur útbjóðingin upp í summar tvs. seinast í juni og letur so aftur seinast í november.
Mest lisið í farnu viku
Samband
Heygsvegur 8
490 Strendur