Bogi Jacobsen heldur fram sum formaður í Føroya Arbeiðsgevarafelag
Jóhanna á Bergi er nývald í nevndina fyri felagið. Hon tekur við eftir Atla Gregersen, sum ikki tók við afturvali.
Bogi Jacobsen heldur fram sum formaður í Føroya Arbeiðsgevarafelag. Tað er greitt, eftir at felagið hevði ársaðalfund mánadagin.
Fyri vali á aðalfundinum stóðu Atli Gregersen, Bogi Jacobsen og Odd Eliasen. Bogi Jacobsen og Odd Eliasen vórðu afturvaldir, meðan Atli Gregersen ikki tók við afturvali. Í hansara stað varð Jóhanna á Bergi, stjóri í Atlantic Airways, vald.
Á aðalfundinum legði Bogi Jacobsen fram ársfrágreiðing felagsins. Umframt at kunna um gongdina í ymsu vinnugreinunum setur Føroya Arbeiðsgevarafelag í ársfrágreiðing síni hesuferð serliga ljós á
- at føroyski arbeiðsmarknaðurin er undir trýsti,
- at tørvur er á eini dagføring av vinnupolitikkinum,
- og eina støðuga almenna ávirkan á føroyska búskapin.
Í nevndini fyri Føroya Arbeiðsgevarafelag sita nú: Bogi Jacobsen, Høgni Hansen, Kristoffur Laksá, Jón Sigurdsson, Fróði Magnussen, Jens Meinhard Rasmussen, Odd Eliasen, Árni Ellefsen og Jóhanna á Bergi. Nevndin hevur skipað seg við Boga Jacobsen sum formanni og Høgna Hansen sum næstformanni.
Mest lisið í farnu viku
Samband
Heygsvegur 8
490 Strendur