Føroyska liðið kom út til seinna hálvleik við einum munnandi betri hugburði enn í fyrra. Trýstið á spaniamenn longur frammi á vøllinum, og føroysku leikararnir vóru so mikið bragdligir, at spaniamenn í summum førum kendu seg noyddar at fara harðliga til verka; eitt nú fekk Gorzola gult kort, longu áðrenn altjóða dómaraeygleiðarin var komin aftur í sætið.

Føroyska trýstið fjaraði tó líðandi burtur, helst tí orkan gekk undan. Seinasti hálvi tímin var átøkur fyrra hálvleiki, tá ið spanska liðið flutti bóltin frá manni til mann - við tí muni, at Asensio stýrdi. Nakrar vandastøður vóru, men tað var skilligt, at spaniamenn løgdu ikki eins nógv fyri og í fyrra hálvleiki.

Í fyrra parti av hálvleikinum skapti føroyska liðið nakrar støður, og Kepa varð í einum føri noyddur at kýta seg. Í seinna parti hevði føroyska liðið einstakar atsóknir fram eftir vøllinum, men tær gjørdust ongantíð heilt vandamiklar.

Ímóti dystarenda kom Meinhard E. Olsen á vøllin. Umstøður vóru ikki til at hetta broytti nakað stórvegis. Hinvegin, so líkist hann einum leikara, sum hevur ta ferð og tað ágrýtni, ið kann borga fyri einum meira framsóknum føroyskum spæli, tá ið høvið býðst.