Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Lýsing
Lýsing

Vinnan skal hava tryggar langtíðarkarmar 

Innanlands | 17/06-2019 08:30

Vinnan skal hava tryggar langtíðarkarmar 

Ein komandi samgonga skal geva vinnuni tryggar karmar, ið beina vinnuliga ótryggleikan, sum valdar í dag, av vegnum

Vit í Fólkaflokkinum trúgva upp á eitt frælst og vælvirkandi vinnulív, sum hevur tryggar langtíðarkarmar at virka undir. Vinnan skal altíð vita, hvat næstu árini hava at bjóða – eitt nú av skattum og avgjøldum frá tí almenna. Vinnufyritøkur skulu trygt kunna raðfesta sínar íløgur í álítandi langtíðarkørmum, tí harvið ber til at hugsavna seg um virksemið, sum er at skapa vøkstur, arbeiðpláss og ikki minst framburð í fyritøkuni og í føroyska samfelagnum. Í longdini skapar hetta eisini størsta avkastið til landskassan við skattum og gjøldum. 

Verandi vinstrasamgonga við Javnaðarflokkinum, Tjóðveldi og Framsókn hevur í ólukkumát víst ein vinnufíggindaligan politikk seinastu fýra árini. Sitandi samgonga hevur álagt vinnulívinum munandi meirgjøld í árunum 2015 - 2019. Mest hevur verið tosað um øktu gjøldini á fiskivinnuna, har hesi gjøld eisini hava skapt stóran ótryggleika og minkandi íløguhug í t.d. nýbygging av einum aldrand fiskiflota.

Men vit mugu ikki gloyma, at henda vinstrasamgongan eisini hevur lagt nógv onnur gjøld á allar aðrar vinnufyritøkur í landinum. Fyritøkur so sum framleiðsluvirkir, tænastuvirkir, handlar, peningastovnar, ferðavinnnufyritøkur, bilasølur, frisørar, el-fyritøkur, byggifyritøkur, flutningsfyritøkur – og vit kundu hildið áfram. Felags fyri allar hesar fyritøkur er, at tær allar hava fingið munandi økt almenn gjøld seinastu fýra árini. 

Úr rúgvuni av gjøldum kann nevnast kringvarpsgjaldið, sum allar fyritøkur skulu gjalda, sjálvt um allir føroyingar frammanundan rinda kringvarpsgjald yvir skattin. Eisini hava munandi økingar í gjøldum verið í sambandi við lønarflytingar. Her er talan um munandi hækkingar í AMELG-gjaldi og hækking av heilsutrygdargjaldi. Onnur gjøld, sum sitandi samgonga hevur hækkað, eru: Økt tinglýsingargjøld, økt umhvørvisgjøld, økt bensin- og dieselavgjald, økt vektavgjald á bilar umframt økt nýtslugjøld frá almennum stovnum. Øll hesi gjøld á vinnuna hava givið munandi meirútreiðslur, sum hava minkað kappingarførið hjá vinnuni.

Tað valdar ein stórur ótryggleiki hjá øllum fyritøkum í Føroyum í dag. Hvat kann ein vinstrasamgonga ikki hugsast at koma við av nýggjum gjøldum á vinnuna, um henda samgonga aftur kemur til valdið eftir valið? Sporini farnu fýra árini ræða, og vinnufyritøkur hava ikki gott í væntu, um verandi samgonga sleppur at halda fram við sínum vinnufíggindaliga politikki eftir valið. Óivað koma nógv fleiri tyngjandi gjøld i ljósmála, um vintraflokkarnir á tingi fáa møguleikan at skipa samgongu eftir summarfrítíðina, og tá verður kappingarførið hjá føroyska vinnulívinum avlagað uppaftur meira komandi árini. 

Fólkaflokkurin ynskir, at føroyska vinnan hevur tryggar og langtíðarkarmar at virka undir. Tá kunnu vinnufyritøkur blóma og skapa vøkstur, arbeiðspláss og framburð í føroyska samfelagnum. Hesum vil eg arbeiða fyri, um eg verði valdur á Føroya Løgting

Birgir NielsenValevni Fólkafloksins til løgtingsvalið 


Lagt út: Birgir Waag Høgnesen
Lýsing
Mest lisið í farnu viku
SVIK: Ronnie Thomassen ummælir bókina um Eik-málið
Vit á R7 gita: Hendan ferjan skal sigla við farminum, um Skopunarfjørð
Samrøða: Bjarni Arnason, Jóhan Dahl og Jacob Vestergaard um fiski­vinnu­lóggávuna, sum er á veg
Miðvika við Kára P. Højgaard (3) - Gestur: Hendrik Old
R7 Premier League (41) - 9. des 2019
Donald Trump gav talibanum ein rimmar hvøkk á vitjan í Kabul
Sonne Smith um nýggja havrannsók­nar­skipið
Ivan H. Niclasen: Meira gjøgnumskygni
Høgni í Jákups­stovu: Eg skilji báðar partar
Hol sett á arbeiði undir Høganesi
Hendingin í Miðvági í gjárkvøldið: politiið hevur sent hetta tíðindaskriv út
Hetta er nýggi havnarfútin í Vestmanna
Samrøða: Jacob Vestergaard um manglandi fiskidagar hjá Bólki 5B
Studningur til at ganga á háskúla í ríkisfelagsskapinum
Samrøða: Ragnar Danielsen um bók sína "Nú fækkast tey á gomlu Strandagøtu"
Georg L. Petersen: Innihaldið í samrøðuni eigur út til fólkið
Jødisk-kristin mentan og etniska býtið av Nobel-vinnarum
Fleiri idiotiskir spádómar um annað enn veður
Pávakirkjan snávar frá eini gølu til aðra
Trupulleiki við muni á fiskaprísi
Strandferðslan: Nærum øll koyring og sigling avlýst vegna veður
Útlendingar í USA sendu í fjør USD 160 mia til familjur heima
Eigur tú tveir lastbilar til Landsverk ?
TALUFRÆLSI
Nú á R7
Samband
R7 Kringvarp
Postboks 226
FO-600 Saltangará
Starvslýsingar
Myndarøðir
Lesarabrøv
Savnið
Nýggjastu tíðindi