Veðurlagið:

Eitt lágtrýstumráði, 998 hPa, liggur komandi samdøgrið tætt við Føroyar, og tað gevur løtur við regni og ælaveðri. Í vikuskiftinum fer eitt hátrýst helst at flyta seg eystur yvir syðra partin av Skandinavia, og seinni tekur eitt hátrýst seg upp yvir Miðskandinavia, og tá fáa vit eitt skifti støðugari veður.

Veðurvánirnar:

Lot til andøvsgul av ymsum ættum, 3 til 8 m/s. Tað verður skýggjað fyri tað mesta og løtur við regni, men seinnapartin verða møguleikar fyri sólglottum. Hitin fer alt samdøgrið at liggja millum 7 og 12 stig.

Veðrið hósdagin:

Lot til andøvsgul av ymsum ættum, 2 til 7 m/s, sum um náttina frískar upp til gul til frískan vind av útnyrðingi, 5 til 10 m/s. Tað verður skýggjað fyri tað mesta og løtur við regni ella ælaveðri. Hitin um dagin fer at liggja millum 9 og 12 stig, um náttina millum 5 og 8 stig.

Veðrið fríggjadagin:

Gul til frískan vind av útnyrðingi, 5 til 10 m/s. Ættin snarar spakuliga í vestan og útsynning og seint um kvøldið minkar vindurin nakað. Tað verður framvegis onkrastaðni regn ella æl, men út á dagin verður turt fyri tað mesta við sólglottum ella kanska sól. Leygarnáttina verður sum frá líður meira skýggjað, men turt. Hitin um dagin fer at liggja um 10 stig, um náttina millum 6 og 9 stig.

Veðrið leygardagin:

Vindurin minkar niður í lot til andøvsgul av útsynningi ella ymsum ættum, 2 til 7 m/s. Tað verður skýggað fyri tað mesta og tað fer at regna eitt sindur av og á. Seinni verður eitt sindur klárari við sól ella sólglottum. Hitin um dagin fer at liggja millum 10 og 12 stig, um náttina millum 4 og 8 stig.

Veðrið sunnudagin:

Lot til andøvsgul, sum fyri tað mesta verður av eystligum ættum, 2 til 7 m/s. Tað verður turt við sól ella sólglottum. Hitin um dagin fer at liggja millum 10 og 13 stig, um náttina um 10 stig.

Veðrið mánadagin:

Lot til andøvsgul av eystri, 2 til 7 m/s. Tað verður turt og sólglottar ella kanska kanska nakað av sól. Týsnáttina verður meira skýggjar og kanska fer at regna eitt sindur. Hitin um dagin fer at liggja millum 10 og 13 stig, um náttina um 10 stig.