Atlantsflog keypir tvey nýggj flogfør
Airbus skal byggja tvey nýggj flogfør av slagnum Airbus A320neo til Atlantsflog.
Atlantsflog skrivaði í gjár undir keypsáttmála við europeisku flogverksmiðjuna Airbus um at byggja tvey nýggj flogfør av slagnum Airbus A320neo.
Fyrra flogfarið skal vera liðugt seint í 2023, og seinna flogfarið verður latið flogfelagnum fyrra hálvár í 2024. Upplýst verður ikki, hvussu nógv flogførini fara at kosta.
Samanborið við vanligu Airbus-flogførini eru neo-flogførini meira umhvørvisvinarlig. Tey brenna upp til 20% minni, og eisini er óljóðið frá flogførunum 50% minni. Neo-flogførini hava somuleiðis pláss fyri fleiri ferðafólkum enn tey gomlu flogførini av slagnum Airbus A319.
Men tað gongur ikki so long tíð til Atlantsflog fer at brúka neo-flogfør. Longu um ein mánað kemur fyrsta neo-flogfarið í flotan, sum verður langtíðarleigað frá amerikanska felagnum Air Lease.
Mest lisið í farnu viku
Samband
Heygsvegur 8
490 Strendur