Maersk ætlar at sigla uppá brúkta matarolju
Bingjuskipið, Mette Maersk, hevur roynt eina blanding av brúktari matarolju og vanligari bunkarolju, sum nú verður marknaðarførd í handilsligum samstarvi við klædnafyritøkuna, H&M, sum á tann hátt roynir at minka CO2-útlátið. Nýggja biobrennievnið kann minka trýstið á veðurlagið munandi.
Nýggja brennievnið, sum International Sustainability & Carbon Certification hevur góðkent sum eitt burðardygt alternativ, kann minka útlátið við 85 prosentum, tá allir liðir í oljuframleiðsluni eru tiknir við.
“Biobrenniroyndin umborð á Mette Maersk hevur víst, at dekarboniseraðar loysnir fyri skipaferðsluna longu kunnu nýtast í dag bæði tøkniliga og rakstrarliga. Hetta er ikki endaliga loysnin, men hetta er avgjørt ein partur av loysnini, og tað kann verða við til at minka um CO2-útlátið í dag, sigur Søren Toft, COO í A.P. Møller – Maersk.
H&M arbeiðir fyri at vera veðurlags-jalig í 2040, og tað krevur samstarv frá øllum pørtum í virðisketuni.
Skipaferðslan stendur fyri 90 prosentum av alheims flutninginum av vørum og hevur umleið trý prosent av heimsins CO2.
Kelda: Maersk/Maritime Danmark og www.antares.fo
Mest lisið í farnu viku
Havstovan tilmælur at stongja tað mesta
Samband
Heygsvegur 8
490 Strendur