Kanningar av sildastovninum norðanfyri vísa, at nakað tað sama er til av sild í ár sum í fjør.

Í farnu viku var fundur í Reykjavík, har úrslitini frá sildakanningunum norðanfyri fyrr í vár vóru viðgjørd. Tó var russiska rannsóknarskipið ikki liðugt við sínar kanningar í Barentshavinum, tá fundurin var, so talan er um eina fyribils frágreiðing, har bert úrslit fyri vaksna stovnin eru við. 

Sildakanningarnar vístu eitt vísital, sum er 4.87 mió. tons, samanborið við 5.04 mió. tons í fjør. Eisini vísitalið fyri svartkjaft var nakað tað sama í ár sum í fjør. Í fjør var vísitalið 0.53 mió. tons, og í fjør var tað 0.50 mió. tons. Nakað meira var tó at síggja av 1 ára gomlum svartkjafti nú enn undanfarnu tvey árini.

Endaliga frágreiðingin verður skrivað í august mánaði. Talan er um felags kanningar, sum verða gjørdar hvørt ár, har fremsta endamálið er at dagføra vísitalið fyri norðhavssild. Hetta vísitalið verður brúkt, saman við m.a. landingartølum í stovnsmetingini av norðhavssild seinni í summar, sigur Havstovan.

Vísitalið fyri sild hevur verið rættuliga støðugt seinastu 7 árini. Samansetingin av stovninum er tó nakað øðrvísi nú enn hon hevur verið, soleiðis at heldur meira er av yngri sild er nú enn undanfarnu árini.