Veðurlagið:

Eitt hátrýst, meira enn 1035 hPa, sunnanfyri Ísland liggur stilt. Rættiliga turr luft streymar inn yvir Føroyar av vestri. Hósdagin flytur hátrýstið seg spakuliga í ein landsynning móti Norðsjónum. Fríggjadagin nærkast eitt minni lágtrýst Íslandi sunnanífrá, og tilhoyrandi brúgvaløg við regni koma hendavegin.

Veðurvánirnar:

Gul til frískan vind av vestri og útnyrðingi, 5 til 10 m/s. Tað verður turt og út á dagin klárnar við sól ella sólglottum. Hitin hækkar uppí 10 til 15 stig. Í nátt verður gul til frískan vind av vestri, 5 til 10 m/s. Tað verður framvegis turt, men sum frá líður verður aftur skýggjað. Hitin í nátt fer at liggja millum 6 og 10 stig. 

Veðrið hósdagin:

Gul til frískan vind av vestri, 5 til 10 m/s. Um náttina minkar vindurin niður í lot til andøvsgul av útsynningi, 2 til 7 m/s. Tað verur turt, men skýggjað fyri tað mesta. Hitin fer alt samdøgrið at liggja millum 10 og 15 stig. 

Veðrið fríggjadagin:

Lot til andøvsgul av útsynningi, 2 til 7 m/s. Seint seinnapartin snarar ættin í landsynning og eystan. Tað verður turt og skýggjað fyri tað mesta. Leygarnáttina fer at regna. Hitin fer alt samdøgrið at liggja millum 9 og 12 stig.

Veðrið leygardagin:

Lot til andøvsgul av eystri, 2 til 7 m/s. Tað verður skýggjað og regn. Seint um kvøldið snarar ættin í sunnan og útsynning, og vindurin veksur til gul til frískan vind, 5 til 10 m/s. Tá verður bara eitt sindur av regni av og á. Hitin fer alt samdøgrið at liggja millum 10 og 13 stig.

Veðrið sunnudagin:

Gul til frískan vind av útsynningi, 5 til 10 m/s. Seinni snarar ættin í útnyrðing og norðan, og vindurin veksur uppí andøvsgul til strúk í vindi, 8 til 13 m/s. Tað verður skýggjað og regn ella ælaveður. Hitin um dagin fer at liggja um 10 stig, um náttina millum 4 og 7 stig. 

Veðrið mánadagin:

Andøvsgul til strúk í vindi av útnyrðingi, 8 til 13 m/s. Tað verður skýggjað og einstøk æl. Hitin fer at liggja um 8 stig. Sunnunáttina minkar vindurin og ættin snarar í útsynning. Tað klárnar nakað og hitin fellur niður í 3 til 8 stig.