Fráfaringarløta fyri luttakarunum á oyggjaleikunum
Umleið 150 íðkarar og leiðarar úr Føroyum fara til oyggjaleikirnar í ár.
Í sambandi við at føroysku íðkararnir á komandi Oyggjaleikunum fara til Gibraltar tann 4. juli, skipar ÍSF fyri almennum fráferðartiltaki leygardagin 29. juni.
Tiltakið verður við matarstøðini í SMS. Løgmaður og forsetin í ÍSF, Elin Heðinsdóttir Joensen, fara at siga nøkur orð og ynskja íðkarunum góða ferð. Síðan fær vinnarin av kappingini um eina ferð til Gibraltar til oyggjaleikirnar vinningin handaðan.
Í sambandi við tiltakið bjóðar SMS ókeypis morgunmat millum kl. 9 og 11 henda morgunin.
Oyggjaleikirnir í ár, sum eru teir 18. í røðini, verða á Gibraltar frá 6. til 12. juli. Umleið 150 íðkarar og leiðarar luttaka úr Føroyum. Føroyar luttaka í frælsum ítrótti, badminton, kurvabólti, súkkling, judo, leirdúgvuskjóting, svimjing, borðtennis, tennis og triathlon.
Mest lisið í farnu viku
Samband
Heygsvegur 8
490 Strendur