Runavíkar býráð hevði í gjárkvøldi býráðsfun í Funningi. Millum málini sum vóru á skrá var bygging av svimjihøll í Runavík. Eitt samt býráð tók undir við at geva borgarstjóranum og umsitingini heimild til at fara í samráðingar við BBP Arkitektar, sum vunnu arkitektakappingina um svimjihøllina. 

Býráðið roknar við at tað fer at taka eitt ár, áðrenn málið er búgvið at bjóða út. 

Kostnaðurin fyri projektering liggur um 6-7 mió. krónur, og av teimum verður mælt til at brúka 1,5 mió. krónur í hesum fíggjarárinim, og at restin verður avsett á fíggjarætlanini fyri 2020. 

“Málið um svimjihøllina í Runavík er komið og farið um býráðsgáttina, frá tíð til aðra, í meira enn hálvthundrað ár,” sigur Runavíkar kommuna á síni heimasíðu.